Alþjóðleg Barnakvikmyndahátíð í Reykjavík

Barnakvikmyndahátíð heimasíða

ALÞJÓÐLEG BARNAKVIKMYNDAHÁTÍÐ Í REYKJAVÍK

Ofurhetja, bestuvinir, rjómi evrópskra verðlaunamynda, stuttmyndir, Sveppi og Villi og allskyns sérviðburðir auk Camera Obscura á Alþjóðlegri Barnakvikmyndahátíð í Reykjavík!

Alþjóðleg barnakvikmyndahátíð í Reykjavík er nú haldin í Bíó Paradís í annað sinn. Þetta er fyrsta hátíð sinnar tegundar á Íslandi en í fyrra tók Bíó Paradís á móti yfir 3000 börnum á hátíðina og ljóst er að með hátíðinni hafi verið fyllt upp í ákveðið tómarúm í barnamenningu landsmanna.

Sýndar verða áhugaverðar myndir um allt milli himins og jarðar. Leiknar myndir, teiknimyndir, heimildamyndir og stuttmyndir fyrir börn á öllum aldri auk sérviðburða í tengslum við hátíðina.

Að þessu sinni verða 8 nýjar barnakvikmyndir sýndar auk fjögurra erlendra og íslenskra stuttmyndapakka sem hver og einn er sérsniðinn að ólíkum aldurshópum.

Opnunarmynd hátíðarinnar að þessu sinni er hin stórskemmtilega ofurhetjumynd Antboy (2013) eftir Ask Hasselbalch sem er ein áhugaverðasta barnamynd í Evrópu í dag. Hún hlaut nýlega Róberts verðlaun dönsku kvikmyndaakademíunnar 2014 sem besta barnamyndin. Leiklesari aðalpersónunnar Palla er Ágúst Örn Wigum sem tilnefndur var til Eddu verðlaunanna 2014 og verður hann viðstaddur opnun Alþjóðlegrar barnakvikmyndahátíðar þar sem gestum gefst færi á að spyrja hann út í leikaralífið eftir sýningu myndarinnar.

 Screen Shot 2014-03-12 at 2.14.53 PMEitthvað fyrir alla

Fyrir yngstu kynslóðina verður skygnst inn í vináttu félaganna Andra og Eddu (Karsten og Petra blir bestevenner – 2013) eftir Arne Lindtner Næss en bangsar þeirra Andra og Eddu, ljónsunginn og fröken kanína, eru búin að koma sér vel fyrir í Bíó Paradís og verða á vappinu yfir hátíðina.

Á meðal sérviðburða mun heillandi heimur Manga hryllingsmynda opnast upp fyrir unglingunum í hinni sígildu Vampire Hunter D: Bloodlust (2000) eftir Yoshiaki Kawajiri.

Kvikmyndatækni 19 aldarinnar, verður til sýnis á meðan hátíðinni stendur þar sem gestum og gangandi gefst kostur á að skoða undur Camera obscura. Þar munu kvikmyndabrot úr fórum Kvikmyndasafns Íslands sem aldrei hafa komið fyrir auglit almennings verða sýnd. Þetta er með fyrstu viðburðum þar sem Camera Obscura er notuð og í fyrsta skipti fyrir börn. Klassíkin er einnig ekki langt undan en The Kid eftir Charlie Chaplin mun gleðja áhorfendur auk þess sem perla Fred Neymeyer Safety last! verður sýnd við lifandi píanó undirleik 30. mars.

Þeir Sveppi og Villi munu kíkja í heimsókn og horfa á klassísku myndina The Goonies með áhorfendum með hljóðnema í hönd. Það er því tilvalið tækifæri fyrir foreldra að mæta með börnunum og horfa á þessa einstöku perlu kvikmyndasögunnar og upplifa hana í stórskemmtilegri meðför tvíeykisins.

Því er tækifæri fyrir alla fjölskylduna að koma á metnaðarfulla viðburði og njóta dagskrár í hæsta gæðaflokki. Verndari hátíðarinnar er frú Vigdís Finnbogadóttir fyrrverandi forseti Íslands, en borgarstjóri Reykjavíkur Jón Gnarr mun formlega setja hátíðina fimmtudaginn 20. mars við hátíðlega athöfn klukkan 17:30 í Bíó Paradís.

Að hátíðinni standa Ása Baldursdóttir, dagskrástjóri hátíðarinnar, Oddný Sen, verkefnastjóri, Þór Jóhannesson verkefnastjóri og Hrönn Sveinsdóttir framkvæmdastjóri Heimilis kvikmyndanna. Dagskráin verður aðgengileg á skemmtilegum dagskrárgogg og á vef Bíó Paradís bioparadis.is

_________________________________________________________________________________
OPNUNARMYND:

Antboy

antboy_cover1(Danmörk 2013 / Aldur 5+ / íslenska / 77 mín)

Hinn 12 ára gamli Palli er bitinn af maur og öðlast við það ofurhetjukrafta. Með hjálp vinar sínsVilhjálms lærir hann að beita þessum kröftum. Eins og í sannri ofurhetjumynd líður ekki á löngu þar til illmennið flóin stígur fram á sjónarsviðið og hefst þá barátta góðs og ills fyrir alvöru. Myndin var valin besta barna- og unglingamyndin á hinni rómuðu Robert verðlaunahátíð í Danmörku árið 2014 og var einnig tilefnd sem besta barnamyndin á kvikmyndahátíðinni í Tallinn. Myndin er tilnefnd til áhorfendaverðlauna hátíðarinnar. Opnunarmynd

___________________________________________________________________

Andri og Edda verða bestu vinir

karstenogpetra_coverNoregur 2013 / Leikstjóri: Arne Lindtner Næss / Aðalhlutverk: Nora Amundsen, Hilde Louise Asbjørnsen, Janne Formoe / Aldur 3+ / Íslensk talsetning / 78 mín)

Þegar Andri byrjar á leikskóla kynnist hann Eddu en þau verða bestu vinir. Tuskudýrin þeirra, ljónsunginn og fröken Kanína,verða einnig vinir og þegar annað þeirra týnist á slökkvistöðinni lenda þau Andri og Edda í ýmsum ævintýrum. Myndin var tilnefnd sem besta barnamyndin á hinum norsku Amanda verðlaunum sem og að hún var tilefnd sem besta barnamyndin á kvikmyndahátíðinni í Tallinn. Myndin er tilnefnd til áhorfendaverðlauna hátíðarinnar. Opnunarmynd

___________________________________________________________________

Ostwind – Austanvindur

20496574.jpg-r_640_600-b_1_D6D6D6-f_jpg-q_x-xxyxx(Þýskaland 2013 / Aldur 7+ / enskur texti / 105 mín)

Þessi fallega saga gerist á þýskum hestabúgarði. Unglingsstúlkan Mika, er komið fyrir á hestabúgarði hjá ömmu sinni, því foreldrar hennar taka þá ákvörðun að senda hana í sveit yfir sumarið.  Þar kemst Mika í kynni við villtan hest sem enginn ræður við, þar til Mika kemur í sveitina. Myndin var valin besta myndin á Bæversku Kvikmyndaverðlaunahátíðinni 2014. Myndin er tilnefnd til áhorfendaverðlauna hátíðarinnar.

________________________________________________________________

The Day of the Crows / Dagur krákanna

JDC_compo_affiche_120x160_UK.indd(Belgía – Frakkland – Lúxemborg – Kanada 2012 / Aldur 7+ / íslenskur texti  / 96 mín)

Stórbrotin teiknimynd um dreng sem elst upp í hjarta skógarins. Þar sem einu mannlegu samskiptin eru við einsetumanninn föður hans hefur drengurinn þróað með sér hæfileika til að sjá og fylgja leiðbeiningum andanna sem búa í skóginum. Þegar faðir hans verður fyrir slysi neyðist drengurinn til að leita út fyrir skóginn og þá hefjast ævintýrin fyrir alvöru. Myndin er tilnefnd til áhorfendaverðlauna hátíðarinnar.

________________________________________________________________

The Weight of Elephants / Þyngd fílanna

elephants_cover(Nýja Sjáland – Danmörk – Svíþjóð 2013 / Aldur 12+ / enskt tal / 83 mín)

Adrian er viðkvæmur og einmanna 10 ára drengur. Hann býr hjá ömmu sinni og veikum frænda eftir að móðir hans yfirgaf hann á unga aldri. Þegar jafnaldra hans, Nicole, flytur í götuna hefst merkilegur vinskapur þeirra á milli. Myndin var tilnefnd sem besta kvikmyndin í fullri lengd á Alþjóðlegu kvikmyndahátíðinni í São Paulo. Myndin er tilnefnd til áhorfendaverðlauna hátíðarinnar.

______________________________________________________________ 

On the Way to School  / Á leið í skólann

school_poster(Frakkland 2013 / Aldur  6+ / íslenskur texti / 77 mín)

Þessi gríðarlega vinsæla heimildarmynd segir frá þeim Jackson frá Kenía, Carlito frá Argentínu, Zahira frá Marakkó og Samuel frá Indlandi sem eiga það eitt sameiginlegt að þurfa að ferðast hrikalega langar vegalengdir til þess eins að komast í skólann. Myndin vann hin virtu Cesar verðlaun árið 2014 sem besta heimildamyndin. Myndin er tilnefnd til áhorfendaverðlauna hátíðarinnar.

____________________________________________________________________

Clara and the Secret of the Bears / Klara og leyndarmál bjarndýranna

Clara_and_the_Secret_of_the_Bears-695668061-large(Sviss 2012 / Aldur 8+ / enskur texti / 93 mín)

Hin 13 ára Clara býr við rætur svissnesku Alpanna ásamt móður sinni og stjúpföður. Fljótlega áttar hún sig á að það liggur bölvun yfir sveitabænum vegna verka forfeðranna en til að aflétta henni þarf Clara að koma á sáttum á milli manna og náttúru. Myndin er tilnefnd til áhorfendaverðlauna hátíðarinnar. Myndin vann áhorfendaverðlaun á Alþjóðlegu Barnakvikmyndahátíðinni Buster í Danmörku, og hefur auk þessa unnið til fjölda verðlauna m.a. á Giffoni Kvikmyndahátíð, Alþjóðlegu Barnakvikmyndahátíðinni í Montreal og Kvikmyndahátíðinni í Tallinn.

____________________________________________________________________

Believe / Sjálfstraust

Theatre-of-dreams(Bretland 2013 / Aldur 7+ / enskt tal / 94 mín)

Stórkostleg mynd um dreng í Manchester árið 1984 sem á sér draum að keppa á stórmóti í fótbolta. Hjálpin berst úr óvæntri átt þegar Manchester United þjálfarinn Matt Busby tekur það að sér að aðstoða liðið við að komast alla leið. Myndin er tilnefnd til áhorfendaverðlauna hátíðarinnar. Myndin var valin besta barnamyndin á Kvikmyndahátíðinni í Zurich og var tilnefnd sem besta barnamyndin á Kvikmyndahátíðinni í Tallinn 2013.

____________________________________________________________________

Skýjahöllin

Skyjahollin(Ísland 1994 / Allur aldur / íslenska / 85 mín)

Emil er átta ára strákur sem langar að eignast hvolp. Pabbi hans gefur samþykki sitt gegn því að að Emil safni fyrir honum sjálfur. Pabbi hans trúir nefnilega ekki að honum takist að safna fyrir hvolpinum.

_____________________________________________________________________

Benjamín dúfa

Benjamin_dufa_plagat(Ísland 1995 / Allur aldur / íslenska / 91 mín)

Í myndinni segir frá fjórum vinum og viðburðaríku sumri í lífi þeirra. Regla rauða drekans er stofnuð og þeir Róland dreki, Andrés örn, Baldur hvíti og Benjamín dúfa hafa nóg fyrir stafni í baráttu sinni gegn ranglæti.

_________________________________________________________________

Erlendar stuttmyndir – pakki 1

339575199_1280 (1)(Aldur 5+ / án tals/ 54 mín)

Í pakkanum fyrir yngstu börnin eru sjö myndir frá fjórum löndum. Allar myndirnar hafa verið sýndar á kvikmyndahátíðum víðsvegar um heim. Á meðal þeirra er franska perlan Monsterbox sem segir frá lítilli stúlku sem leitar af þaki yfir höfuðið á skrímslunum sínum.

_____________________________________________________________ 

Erlendar stuttmyndir – pakki 2

426256324_640(Aldur 7+  / án tals / 50 mín)

Hér er í boði sýnishorn frá öllum heimshornum enda um að ræða sjö rómaðar myndir frá jafn mörgum löndum. Þar á meðal er hollenski gullmolinn Granny Lane sem er heldur betur skemmtileg útgáfa af klassísku sögunnu um skjaldbökuna og hérann.

___________________________________________________________________

Erlendar stuttmyndir – pakki 3

Flamingo 4 poster(Aldur 10+ / enska/franska/spænska / 46 mín)

Í þessum pakka eru sex myndir frá frá fjórum löndum. Í sumum þeirra er talað því ágætt að hafa einhverja enskukunnáttu. Það ætti engin að láta framhjá sér fara tilvistarkreppu flamingófuglsins í þýsku perlunni Flamingo Pride sem er á meðal myndanna.

_____________________________________________________________________

Stuttmyndapakki 4

litla_lirfan_ljota_2002Litla lirfan ljóta (Ísland 2002 / Allur aldur / íslenska og án tals / 48 mín)

Monsterbox  (Frakkland 2012/  án tals/  8 mín)

The Odd Sound Out (Danmörk 2013/ án tals/  7 mín)

Tumblies  (Holland 2013/ án tals/ 5 mín)

Þessi pakki er fyrir allra yngstu börnin – kynslóðinna sem hefur ekki ennþá fengið að upplifa hina yndislegu íslensku perlu Litlu lirfuna ljótu og til að gera góða skemmtun betri bætum við þremur frábærum smábarnateiknimyndum.

_____________________________________________________________________

Íslenskar stuttmyndir

little_cosmonaut_poster(Aldur 10+ / íslenska / 75 mín)

Við bjóðum upp á fjórar stórskemmtilegar stuttmyndir eftir íslenska leikstjóra. Þetta eru myndirnar HeilabrotinnSnjór, Lítill geimfari og Ráðagóða stelpan. Ólíkar myndir eftir fjóra fagmenn.

______________________________________________________________________

Íslenskar stuttmyndir gerðar af unglingum fyrir unglinga

(Aldur 12+ / íslenska / 60 mín)

Það er ekki skortur á íslenskum stuttmyndum gerðum af íslenskum unglingum og í samvinnu við Myndver grunnskólanna tekið saman frábæran pakka með ekta unglingastuttumyndum. Þ.á.m. er heimildarmynd um tónlistakonuna Kolfinnu Nikulásdóttur frá því hún var sjálf unglingur, en eins og rappáhugafólk veit hefur Kolfinna m.a. getið sér gott orð með Reykjarvíkurdætrum.

______________________________________________________________________

The Goonies / Grallararnir

Goonies-poster(Bandaríkin 1985 / Aldur 10+ / enska – með íslenskum leiklestri / 114 mín)

Hér er einstakur viðburður á ferðinni því þeir Sveppi og Villi munu kíkja í heimsókn og horfa á myndina með áhorfendum með hljóðnema í hönd. Tilvalið fyrir foreldra að mæta með börnunum og horfa á þessa einstöku perlu kvikmyndasögunnar og upplifa hana í stórskemmtilegri meðför tvíeykisins.  Ath. aðeins ein sýning.

____________________________________________________________________

Memoria og Vampire Hunter D: Bloodlust – Sérsýning fyrir unglinga

Vampire-hunter-d-poster(Danmörk 2013 og Japan 2000 // Stranglega bönnuð innan 15 / 110 mín)

Við bjóðum upp á frábæran hrollvekjupakka sem hefst með hryllilega flottu og hræðilega svörtu stuttmyndinni Memoria sem fer með áhorfendur inn í myrkan huga manns.Strax í kjölfarið er það svo japanska manga teiknimyndin Vampire Hunter D: Bloodlust frá 2000. Frábærir karakterar, frábærar teikningar og klikkuð saga af ekkert venjulegum vampírubana.

Ath. aðeins ein sýning.

___________________________________________________________________

Safety last!

SafetyLastTCMPosterBig(Bandaríkin 1923 / Allur aldur / án tals / 70 mín)

Við verðum með sérsýningu á þessari stórbrotnu perlu Fred Neymeyer um Harold Lloyd með lifandi undirleik. Tilvalið að koma og upplifa klukkuatriðið fræga á hvíta tjaldinu.Ath. aðeins þessi eina sýning.

_____________________________________________________________________

The Kid

936full-the-kid-poster(Bandaríkin 1921 / Aldur 6+ / án tals / 68 mín)

Klassísk Charlie Chaplin mynd þar sem umrenningurinn tekur að sér munaðalaust barn. Heilu kynslóðirnar hafa legið í hlátri yfir þessari mynd auk þess sem margir hafa farið út með tár á hvarmi i lokin.

 

Share on FacebookTweet about this on TwitterShare on TumblrPin on PinterestShare on Google+Email this to someone